ԱՀ նախագահի մամուլի քարտուղար Լուսինե Ավանեսյանը, մեկնաբանելով Թուրալ Գյանջալիևի այն հայտարարությունը, թե իբր նա Ստեփանակերտում գրասենյակի տեղ է փնտրում, «Արցախպրես»-ին տված հարցազրույցում նշել է.
«Դա ադրբեջանական կողմի հերթական հիվանդագին ցանկությունն է, որը ներկայացնում են որպես իրականություն: Այսպիսի էժանագին տեղեկատվական սպեկուլյացիաներով նրանք նպատակ ունեն իրենց հասարակությանը պահելու մոլորության մեջ և նյարդայնացնելու հայ հասարակությանը: Նրանք չեն կարող ոչ միայն գրասենյակ ունենալ Ստեփանակերտում, այլ նույնիսկ այցելել Ստեփանակերտ: Դրա փոխարեն թող մտածեն մեր բռնազավթված տարածքների վերադարձի մասին, որպեսզի հնարավոր լինի խոսել հակամարտության կարգավորման իրական հեռանկարների վերաբերյալ»,- նշել է Լուսինե Ավանեսյանը:
Հետևեք մեզ տելեգրամում
