Իսրայելի վիճակագրական ծառայությունը դեկտեմբերի 18-ի` «Փախստականների միջազգային օրվա» կապակցությամբ զեկույց է պատրաստել, որում տվյալներ է հրապարակել 1948թ. սկսված աշխարհի տարբեր կողմերից Իսրայել գաղթած հրեաների թվի վերաբերյալ:
Ըստ զեկույցի` 1948թ. Իսրայել պետության հիմնադրումից սկսած 3.2 մլն հրեա է գաղթել տվյալ երկիր: Նշվում է, որ 3.2 մլն հրեա փախստականների 43%-ը գաղթել են ԽՍՀՄ-ի փլուզումից հետո` 1990-ականներին:
Տվյալների համաձայն` 1989-2006թթ. ընթացքում 1.6 մլն հրեա է գաղթել, որոնց ընտանիքի անդամները եղել են ոչ հրեա:
Զեկույցում ասվում է, որ 2017թ. Իսրայել գաղթած հրեաների թիվը կազմել է 38.000: Իսկ 1948-2016թթ. ընթացքում երկիրը լքած և այլևս չվերադարձած հրեաների թիվը կազմել է 726.000, որոնցից 130-167.000-ը մահացել է արտերկրում:
Ընդհանուր առմամբ, այժմ Իսրայելի բնակչության թիվը հասել է 8.9 միլիոնի, որոնցից 2 միլիոնը Իսրայելի քաղաքացի համարվող պաղեստինցի արաբներն են, որոնք նշվում են որպես «Իսրայելցի արաբներ»:
Հետևեք մեզ տելեգրամում
