Եվրոպայի խորհրդի նախագահ Շառլ Միշելը բացատրել է, թե ինչու Թուրքիայի նախագահ Ռեջեփ Թայիփ Էրդողանի հետ հանդիպմանը իր տեղի չի զիջել Եվրահանձնաժողովի նախագահ Ուրսուլա ֆոն դեր Լայենին: Միշելի խոսքով, նա ղեկավարվել է տղամարդկանց և կանանց միջև իրավահավասարության սկզբունքով:
«Այդ ժամանակ ես վստահ էի, որ իմ կողմից ցանկացած գործողություն կարող էր բացատրվել որպես պատերնալիզմ: Առավել ևս, որ Ուրսուլա ֆոն դեր Լայենն անձնամբ իր դժգոհություն հայտնեց: Դա, հնարավոր է, սխալ էր իմ կողմից, սակայն դա իմ տեսությունն է տղամարդկանց և կանանց հարաբերությունների վերաբերյալ»,-ասել է Շառլ Միշելը:
Հիշեցնենք, որ ապրիլի 6-ին Անկարայում Թուրքիայի նախագահ Ռեջեփ Էրդողանի ու Եվրամիության երկու երկու առաջնորդների բանակցությունների ժամանակ Եվրահանձնաժողովի նախագահ Ուրսուլա ֆոն դեր Լայենին աթոռ էր տրամադրվել, և նա ստիպված էր նստել հեռավորության վրա գտնվող բազմոցին։
Եվրահանձնաժողովի նախագահի ներկայացուցիչ Էրիկ Մամերը հայտնել է, որ ֆոն դեր Լայենն իր թիմին հանձնարարել է անհրաժեշտ քայլեր ձեռնարկել ապագայում նման դեպքի կրկնությունը կանխելու համար: Արարողակարգի տեսակետից՝ Եվրահանձնաժողովի ղեկավարը և Եվրոպական խորհրդի ղեկավարը ունեն հավասար քաղաքական կարգավիճակ:
Հետևեք մեզ տելեգրամում
