ՀՀ նախագահ Արմեն Սարգսյանը վաղը պաշտոնական այցով կժամանի Վրաստան: Ինչպես հայտնում է Վրաստանի Հանրային Հեռուստատեսության Առաջին ալիքը, տեղեկատվությունը տարածում է Վրաստանի նախագահի վարչությունը:
Հայաստանի Հանրապետության նախագահ Արմեն Սարգսյանի և նրա տիկնոջ՝ Նունե Սարգսյանի դիմավորման պաշտոնական արարողությունը տեղի կունենա ապրիլի 15-ին, Օրբելիանի պալատում:
Պաշտոնական այցի շրջանակներում նախատեսվում է Հայաստանի նախագահի և Վրաստանի նախագահի դեմ առ դեմ և ընդլայնված հանդիպում, որից հետո Արմեն Սարգսյանն ու Սալոմե Զուրաբիշվիլին մամուլի համար հանդես կգան համատեղ հայտարարություններով :
Նախատեսվում է հանդիպում նաև ՀՀ նախագահի և Վրաստանի խորհրդարանի նախագահի միջև:
Պաշտոնական այցի ընթացքում Հայաստանի նախագահը կայցելի հայկական աթոռանիստ տաճար:
Հետևեք մեզ տելեգրամում
