Եվրոպական խորհրդի նախագահ Շառլ Միշելը ապրիլի 20-ին կժամանի Թբիլիսի: Այս մասին հայտնում են Օրբելիանի պալատից, որտեղ նախօրեին իշխող «Վրացական երազանք»-ը և ընդդիմությունը ստորագրել են համաձայնագիր:
«Պատիվ ունեմ հայտնելու, որ ապրիլի 20-ին կմեկնեմ Վրաստան, որպեսզի հանդիպեմ ձեզնից յուրաքանչյուրի հետ, իմ հարգանքը փոխանցելու և ձեզնից յուրաքանչյուրի հետ քննարկելու Վրաստանի ու Եվրամիության միջև կապերն ամրապնդելու հետագա քայլերը: Անհամբեր սպասում եմ Ձեզ հետ հանդիպմանը»,-ասել է Շառլ Միշելը:
Նշենք, որ ապրիլի 19-ի ուշ երեկոյան Վրաստանի նախագահի նստավայրում «Վրացական երազանք»-ը և ընդդիմությունը ստորագրել են փոխզիջումային համաձայնագիր՝ երկիրը քաղաքական ճգնաժամից դուրս բերելու համար:
Հետևեք մեզ տելեգրամում
