ԱՄՆ նախագահ Ջո Բայդենը Հայոց ցեղասպանության զոհերի հիշատակին ուղղված նամակում կիրառել է «Ցեղասպանություն» եզրույթը։
«Ամեն տարի այս օրը մենք հիշում ենք բոլոր նրանց, որոնք մահացան Օսմանյան դարաշրջանում՝ Հայոց ցեղասպանության ժամանակ, և ստանձնում ենք հանձնառարարություն՝ կանխելու նմանատիպ դաժանությունները։
1915 թվականի ապրիլի 24-ից սկսած՝ Օսմանյան իշխանությունների կողմից Կոնստանդնուպոլսում հայ մտավորականների և համայնքի ղեկավարների ձերբակալություններով, 1.5 մլն հայեր տեղահանվեցին, կոտորվեցին, կամ մահվան ուղարկվեցին։ Մենք հարգանքի տուրք ենք մատուցում Մեծ Եղեռնի զոհերին, այնպես, որ սարսափելի դեպքերը երբեք չմոռացվեն։ Եվ մենք հիշում ենք այնպես, որ մշտապես զգոն լինենք ատելության քայքայիչ ազդեցության դեմ՝ իր բոլոր ձևերով․․․
Այսօր, երբ մենք սգում ենք այն, ինչ կորցրել ենք, թույլ տվեք մեր աչքերը հառենք դեպի ապագան՝ դեպի մի աշխարհ, որ մենք ցանկանում ենք կառուցել մեր երեխաների համար։ Պետք է թարմացնել մեր հաստատակամությունը՝ կանխելու հետագա վայրագությունները՝ աշխարհի ցանկացած վայրում։ Եվ եկեք ձգտենք աշխարհի բոլոր մարդկանց համար ամոքման և հաշտեցման։
Ամերիկացի ժողովուրդը հիշում է բոլոր այն հայերին, որոնք սպանվել են 106 տարի առաջ սկսված ցեղասպանության ժամանակ»,-ասված է Սպիտակ տան տարածած հայտարարության մեջ։։
Հետևեք մեզ տելեգրամում
