ՀՀ վարչապետ Նիկոլ Փաշինյանը հրաժարական տվեց ԱԺ արտահերթ ընտրություններին ընդառաջ։ Այս մասին նա հայտարարեց ուղիղ եթերով:
«Հունիսի 20-ին արտահերթ խորհրդարանական ընտրություններ անցկացնելու որոշումը կյանքի կոչելու համար այսօր ես հրաժարական եմ տալիս ՀՀ վարչապետի պաշտոնից»,- նշեց Նիկոլ Փաշինյանը։
ՀՀ գործող Սահմանադրությամբ արտահերթ խորհրդարանական ընտրությունների անցկացումը հնարավոր է այն պարագայում, երբ վարչապետը հրաժարական է տալիս, և խորհրդարանը 2 անգամ վարչապետ չի ընտրում։ Սրանից հետո Ազգային ժողովն իրավունքի ուժով համարվում է արձակված, և տեղի են ունենում արտահերթ խորհրդարանական ընտրություններ։
Հետևեք մեզ տելեգրամում
