Գազայի հատվածում պաղեստինյան արմատականների կողմից հրադադարի խախտմանը Իսրայելը շատ հուժկու կպատասխանի: Այս մասին ԱՄՆ պետքարտուղար Էնթոնի Բլինքենի հետ համատեղ մամուլի ասուլիսի ժամանակ հայտարարել է Իսրայելի վարչապետ Բենյամին Նեթանյահուն:
«Եթե «ՀԱՄԱՍ»-ը խախտի անդորրը և հարձակվի Իսրայելի վրա, մեր պատասխանը կլինի շատ հզոր: Ինչ վերաբերում է խաղաղությանը, ֆորմալ խաղաղությանը, ապա նախագահ Բայդենը բացարձակ ճիշտ է, երբ ասում է, որ խաղաղության չեն հասնի այնքան ժամանակ, քանի դեռ Իսրայելը չի ճանաչվի անկախ հրեական պետություն: Դա հակամարտության լուծման բանալին է»,-ասել է Նեթանյահու՝ նշելով, որ Իսրայելը և ԱՄՆ-ը պետք է համատեղ աշխատեն հրեական պետության և արաբական ու մուսուլմանական աշխարհի հարաբերությունները կարգավորելու ուղղությամբ:
Հետևեք մեզ տելեգրամում
