«Յեշ ատիդ» կուսակցության առաջնորդ Յաիր Լապիդը Իսրայելի նախագահ Ռեուվեն Ռիվլինին տեղեկացրել է, որ այլ կուսակցությունների հետ համաձայնություն է ձեռք բերել նոր կոալիցիոն կառավարություն կազմելու հարցի շուրջ:
«Ես կարողացա ձևավորել կոալիցիոն կառավարություն»,-ասել է Լապիդը՝ նշելով, որ կառավարությունն ամեն ինչ կանի Իսրայելի հասարակության բոլոր շերտերին համախմբելու համար:
Նշենք, որ այժմ այս կոալիցիան պետք է ստանա Քնեսեթի մեծամասնության վստահությունը: Այս փուլում հաջողությունը դեռ երաշխավորված չէ, քանի որ նոր կոալիցիայի մասնակիցների միջև դեռևս շարունակվում են տարաձայնությունները: Ակնկալվում է, որ կողմերի միջև բանակցությունները կշարունակվեն մոտ օրերս: Այս կոալիցիոն կառավարությունը եթե հաջողության հասնի, ապա դրան չի մասնակցի վարչապետ Բենյամին Նեթանյահուի «Լիքուդ» կուսակցությունը:
Հետևեք մեզ տելեգրամում
