2018 թվականին Թուրքիայի Ստամբուլ քաղաքում գտնվող Սաուդյան Արաբիայի դեսպանատանը ընդդիմադիր լրագրող Ջեմալ Խաշոկջիի սպանության գործով մեղավոր ճանաչված 5 մարդ դատապարտվել է մահապատժի։ Երեք հոգի էլ դատապարտվել են 24 տարվա ազատազրկման։
Խաշոկջիի գործով ընդհանուր առմամբ 11 մեղադրյալ կար ներգրավված, որոնք բոլորն էլ մեղավոր են ճանաչվել։
Հիշեցնենք, որ Խաշողջին աշխատում էր The Washington Post թերթում և 2017թ.-ից ի վեր ապրում էր ԱՄՆ-ում: Անցած տարվա հոկտեմբերի 2-ին նա Թուրքիայում Սաուդյան Արաբիայի հյուպատոսարան մտնելուց հետո անհետ կորել էր: Հյուպատոսարանից հայտնել էին, թե Խաշողջին կորել է հյուպատոսության շենքից դուրս գալուց հետո: Ավելի ուշ Սաուդյան Արաբիան խոստովանել էր, որ լրագրողը սպանվել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով:
Հետաքննության արդյունքում Ստամբուլի դատախազությունը հայտարարել էր, որ լրագրողին դիտավորյալ խեղդամահ են արել, իսկ մարմինն անդամահատել ու ոչնչացրել են:
Թուրքական «Sabah» կայքը տարածել էր սաուդցի լրագրող Ջեմալ Խաշոկջիի և նրան սպանողների միջև տեղի ունեցած խոսակցության ձայնագրությունը։
Հետևեք մեզ տելեգրամում
