ԱՄՆ պետքարտուղար Էնթոնի Բլինքենը հայտարարել է, որ Վիեննայում կայացած Իրանի միջուկային ծրագրի Գործողությունների համատեղ համապարփակ ծրագրի շրջանակում ԱՄՆ-ը և Իրանը հարթել են եղած տարաձայնությունների միայն մի մասը, իսկ ամբողջական հաղթահարումը կախված է Թեհրանից:
«Իրանի հետ մենք ոչ ուղիղ՝ մեր եվրոպացի գործընկերների միջոցով, արդեն բանակցությունների 6 փուլ են անցկացրել: Մենք հարթել ենք բազմաթիվ տարաձայնություններ, որոնք կային միջուկային համաձայնագրին վերադառնալու հարցի շուրջ: Սակայն մենք չենք լուծել բոլորը: Ընդ որում, պահպանվում են որոշ շատ նշանակալի հակասություններ: Ես չեմ կարող ասել, արդյոք մենք կկարողանանք հաղթահարել այդ տարաձայնությունները: Դա հիմնականում կախված է որոշումներից, որոնք ընդունում է Թեհրանի հոգևոր առաջնորդը»,-ասել է Բլինքենը՝ նշելով, որ եթե Թեհրանը պատրաստ է անել անհրաժեշտ ամեն բան, որը կզսպի Իրանի միջուկային վտանգավոր ծրագիրը, ապա իրենք պատրաստ են ամբողջությամբ վերադառնալ Իրանի միջուկային ծրագրի Գործողությունների համատեղ համապարփակ ծրագրին:
«Սակայն ես կարծում եմ, որ այժմ որոշումը Իրանը պետք է կայացնի, արդյոք լուրջ է տրամադրված»,-հավելել է ԱՄՆ պետքարտուղարը:
Հետևեք մեզ տելեգրամում
