Թուրքիայի արտգործնախարար Մևլութ Չավուշօղլուն հայտարարել է, որ Քաբուլում Թուրքիայի դեսպանատունը շարունակում է իրականացնել իր աշխատանքները։
Չավուշօղլուն, անդրադառնալով Աֆղանստանում տիրող իրավիճակին, խոսել է ընդհանուր առմամբ Թուրքիայի դիվանագիտական ներկայացուցչության գործունեության և Աֆղանստանում գտնվող Թուրքիայի քաղաքացիների անվտանգության հարցի մասին։
«Մեր դիվանագիտական առաքելությունների և բոլոր աշխատակիցների համար անհրաժեշտ միջոցառումները ի նախապես ձեռնարկել էինք: Քաբուլում մեր դեսպանատունը շարունակում է իր գործունեությունը:»:
Չավուշօղլուն նաև հայտնել է, որ Աֆղանստանից հեռանալ ցանկացող բոլոր Թուրքիայի քաղաքացիների համար բոլոր անհրաժեշտ պայմանները կապահովվեն։
Հիշեցնենք, որ «Թալիբան» շարժման զինյալները երեկ առանց մարտերի մտան մայրաքաղաք Քաբուլ, գրավեցին նախագահական նստավայրն`իրենց վերահսկողության տակ առնելով ողջ Աֆղանստանը:
Երկրի նախագահ Աշրաֆ Գանին լքել է երկիրը, իր խոսքով, արյունահեղությունից խուսափելու համար: Նրա գտնվելու վայրն առայժմ հայտնի չէ: Թալիբները հայտարարում են, թե բանակցություններ են վարում նոր`ժամանակավոր կառավարություն ձևավորելու համար:
Մայրաքաղաք Քաբուլում պարետային ժամ է հայտարարված:
Հետևեք մեզ տելեգրամում
