Ադրբեջանի և Թուրքիայի զինված ուժերը հոկտեմբերի 5-8-ը համատեղ զորավարժություններ կանցկացնեն Նախիջևանում, փոխանցում են թուրքական լրատվամիջոցները` Պաշտպանության նախարարությանը հղում անելով:
Ըստ այդ հաղորդման` «Անխախտելի եղբայրություն-2021» անունը կրող զորավարժությունների նպատակն է զարգացնել համագործակցությունը երկու երկրների ցամաքային զորքերի միջև:
Ադրբեջանի և Թուրքիայի զինծառայողները պարբերաբար համատեղ վարժանքներ են ակցկացնում: Մարտավարական ամառային վարժանքներից, Լաչինի շրջանում զորավարժություններից բացի, նախորդ ամիս Բաքվում կայացան նաև Ադրբեջանի, Թուրքիայի և Պակիստանի հատուկ ուժերի համատեղ զորավարժությունները:
Իրանն էլ իր հերթին հյուսիս-արևմտյան` Ադրբեջանին սահմանակից շրջաններում է շարունակում լայնածավալ զորավարժությունները։
Պատասխանելով Իրանի և Ադրբեջանի միջև լարվածության մասին հարցին ՝ Թուրքիայի ՊՆ ներկայացուցիչն ընդգծել է, որ «տարածաշրջանի բոլոր իրադարձություններին ուշադիր հետևում են»:
Հետևեք մեզ տելեգրամում
