Հոկտեմբերի 6-ին Մոսկվայում կայացել է Իրանի ու ՌԴ արտգործնախարարներ Ամիր Աբդոլլահիանի ու Սերգեյ Լավրովի հանդիպումը: Այս մասին հայտնում է իրանական ISNA լրատվական գործակալությունը:
Իրանի ԱԳ ղեկավարը ընդգծել է, որ ՌԴ հետ հարաբերությունները Իրանի արտաքին քաղաքականության առաջնահերթություններից են: Նախարարը իրանա-ռուսական հարաբերություններն անվանել է «սերտ և արտոնյալ»՝ հավելելով, որ այդ մասին են վկայում նախագահների կանոնավոր շփումները, ինչպես նաև իր այցը Մոսկվա:
Նրա խոսքով՝ այս հանդիպումը լավ առիթ է Հարավային Կովկասում, Աֆղանստանում, Եմենում ընթացող զարգացումները քննարկելու համար:
Իր հերթին ՌԴ ԱԳ նախարար Լավրովը Աբդոլլահիանի հետ համատեղ մամուլի ասուլիսի ժամանակ հայտարարել է, որ Իրանի արտգործնախարարին առաջարկել է 3+3 ձևաչափով բանակցություններ անցկացնել, ինչը դրական է գնահատվել:
Լավրովը շեշտել է, որ Ռուսաստանը տարածաշրջանում աշխարհաքաղաքական փոփոխություն չի ցանկանում:
Հետևեք մեզ տելեգրամում
