Իրանի խորհրդարանի պատգամավոր Մոհսեն Դեհնավին արձագանքել է Ադրբեջանում Իրանի հոգևոր առաջնորդի ներկայացուցչի գրասենյակը փակելու ադրբեջանական իշխանությունների որոշմանը:
Այդ մասին նա գրել է Twitter-ում, որտեղ նշել է. «Բաքվի իշխանությունները, Հոգևոր առաջնորդի ներկայացուցչի ուրբաթօրյա աղոթասրահը փակելով, բարձրացրել են ամբարտավանության նշաձողը: Իսկ Ալիևն իսրայելական ԱԹՍ-ները գրկելու փոխարեն թող դադարեցնի լարվածություն ստեղծել, հակառակ դեպքում ճշգրիտ հրթիռների թնդյունից կարթնանա»:
Նշենք, որ վերջին շրջանում Իրանի և Ադրբեջանի միջև լարվածությունը շարունակում է աճել: Ադրբեջանի նախագահ Իլհամ Ալիևը քննադատել էր իր երկրի սահմանի հետ Իրանի անցկացրած զորավարժությունները, իսկ Իրանն Ադրբեջանին մեղադրել էր սահմանին ահաբեկիչների և սիոնիստական ուժերի ներկայացուցիչների տեղակայման մեջ:
Հետևեք մեզ տելեգրամում
