«Իրանի Իսլամական մշակույթի և հաղորդակցության» կազմակերպությունում Ադրբեջանի բաժնի նախկին ղեկավար Ահմադ Հոսեյնի Ալասթը թուրք-իրանական լարվածության ֆոնին իրանական Mehr-ի հետ զրույցում ուշագրավ հայտարարություն է արել Ադրբեջանի երրորդ նախագահ Հեյդար Ալիևի մասին:
Նշելով, որ Հեյդար Ալիևը խորհրդային ժամանակաշրջանում Թեհրանում եղել է ԽՍՀՄ-ի լրտեսն, հավելել է.
«Երբ մեզ պատմում էր, ասում էր, որ Թեհրանում КГБ-ի լրտես եմ եղել և Թեհրանի այսինչ անկյունում կոշիկ էի փայլեցնում, կոշիկ փայլեցնող էի: Եվ դա հպարտությամբ էր պատմում, այսինքն ցանկանում էր ցույց տալ, որ ծանոթ է Իրանին, լավ է ճանաչում Թեհրանն ու Իրանը»,- շեշտել է նախկին ղեկավարը:
Հիշեցնենք, որ 1941 թվականից Հեյդար Ալիևը աշխատել է Նախիջևանի ԻԽՍՀ-ի Ժողովրդական Կոմիսարների Խորհրդում՝ բաժնի վարիչի պաշտոնում և 1944 թ. գործուղվել է պետական անվտանգության մարմիններում աշխատելու։ Այդ ժամանակաշրջանից անվտանգության մարմինների համակարգում աշխատող Հեյդար Ալիևը՝ 1964 թ. նշանակվել է Ադրբեջանական ԽՍՀ Նախարաների Խորհրդին առընթեր Պետական Անվտանգության կոմիտեի փոխնախագահի, իսկ 1967 թվականից՝ նախագահի պաշտոնում, ստացել է գեներալ-մայորի կոչում։
Հետևեք մեզ տելեգրամում
