Հոկտեմբերի 22-ին Սոչիում հանդիպել են Ռուսաստանի նախագահ Վլադիմիր Պուտինն ու Իսրայելի վարչապետ Նաֆթալի Բեննեթը: Վարչապետի պաշտոնը ստանձնելուց ի վեր սա Բեննեթի առաջին հանդիպումն է Պուտինի հետ: Այս մասին հաղորդում են իսրայելական լրատվամիջոցները:
Խոսելով Սիրիայում տիրող իրավիճակի մասին՝ ՌԴ նախագահը ընդգծել է, որ Ռուսաստանն արել է ամեն ինչ սիրիական պետականությունը պահպանելու համար, ապա ավելացրել.
«Այստեղ կան շատ վիճահարույց հարցեր, սակայն միևնույն ժամանակ համագործակցության համար հնարավորությունների և երկխոսության շատ տեղեր կան, հատկապես ահաբեկչության դեմ պայքարում»,- շեշտել է Պուտինը:
Իսրայելի վարչապետը, անդրադառնալով տարածաշրջանային մարտահրավերներին, նշել է, որ ռուսական կողմի հետ քննարկելու են Սիրիայում տիրող իրավիճակը, ինչպես նաև Իրանի միջուկային ծրագիրը դադարեցնելու ջանքերը:
Հետևեք մեզ տելեգրամում
