«Զոլֆագար 1400» անվանման ներքո նոյեմբերի 7-ին մեկնարկել են Իրանի բանակի զորավարժությոնները Հորմոզգան, Սիստան և Բելուջիստան նահանգներում, Մակրանյան ափում և Հնդկական օվկիանոսի հյուսիսային մասերում, հաղորդում է IRNA-ն:
Զորավարժություններին մասնակցել են ԻԻՀ հետևակի ստորաբաժանումները, մեքենայացված զորամասերը, ռազմածովային, ռազմաօդային և հակաօդային պաշտպանության ուժերը։ Բացի այդ, դրանցում ներգրավված են ռադիոլոկացիոն պայքարի միջոցներ և անօդաչու թռչող սարքեր:
Հաջողությամբ իրագործվել են այնպիսի նպատակներ, ինչպես ռադիոէլեկտրոնային, ազդանշանային և հակաէլեկտրոնային տեղեկատվության հավաքագրումը՝ կիրառելով դիտարկման համակարգեր և նավիգացնելով տակտիկական և առափնյա ստորաբաժանումներին տարատեսակ իրանյան հետախուզական ԱԹՍ-ներով և հետախուզական ինքնաթիռներով, հայտարարել է զորավարժությունների մամուլի ծառայության ղեկավար ծովակալ Մահմուդ Մուսավին:
Մուսավին նշել է, որ Արևմտյան Ասիայում անվտանգության հաստատումը կատարվում է տարածաշրջանի պետությունների գործնական քայլի միասնության շնորհիվ: Զորավարժությունների ուղերձն է խաղաղություն և բարեկամություն հաստատելու պատրաստակամությունը սեփական հնարավորությունների միջոցով:
Իրանի զինված ուժերն այդ շրջանում վարժանքներ են անցկացնում ամենամյա հիմունքներով։
Հետևեք մեզ տելեգրամում
