Իսրայելի խորհրդարանի մի խումբ ընդդիմադիր պատգամավորներ Հայոց ցեղասպանությունը պաշտոնապես ճանաչելու և ապրիլի 24-ը որպես հիշատակի օր նշելու օրինագիծ են ներկայացրել: Այս մասին գրում է Jerusalem Post-ը:
Օրինագծի հեղինակներն են «Շաս» կուսակցությունը ներկայացնող պատգամավորներ Յաակով Մարգին, Հաիմ Բիտոնը, Մոշե Արբելը, ինչպես նաև «Լապիդ» կուսակցության պատգամավորներ Յուլի Էդելշտեյնը, Իսրայել Կացը և Յոավ Կիշը:
Նշենք, որ սա առաջին դեպքը չէ, երբ Իսրայելի խորհրդարանում փորձ է արվում քայլեր կատարել հայոց ցեղասպանության ճանաչման ուղղությամբ: Դեռևս 2018 թվականին պատգամավոր Տամար Զանդբերգը առաջարկել էր մի օրինագիծ, որով հայերի զանգվածային կոտորածները ճանաչվելու էր ցեղասպանություն: Սակայն այն չի ընդունվել կառավարության կողմից: 2019 թվականին կրկին Քնեսեթի մի շարք ազդեցիկ պատգամավորներ՝ օրինակ Յաիր Լապիդը (ներկայիս արտգործնախարար) և Գիդեոն Սաարը (ներկայիս փոխվարչապետ) բարձրաձայնել են հայոց ցեղասպանության ճանաչման մասին, սակայն կառավարությունից աջակցություն չունենալով՝ ձախողվել:
Հետևեք մեզ տելեգրամում
