Սաուդյան Արաբիայի արտգործնախարար Ֆայսալ բըն Ֆարհան Ալ-Սաուդը Լիբանանի քաղաքական վերնախավին կոչ է արել քաղաքական գործընթացներում նվազեցնել Հեզբոլլահի ներգրավվածությունը, գրում են լիբանանյան ԶԼՄ-ները:
«Մենք չենք տեսնում Լիբանանի կողմից երկխոսության համար որևէ օգտավետ առաջարկ: Ուստի կարծում ենք, որ երկրի քաղաքական էլիտան պետք է ձեռնարկի անհրաժեշտ բոլոր միջոցները՝ ազատագրելու երկիրը Հեզբոլլահից և, դրա միջոցով, Իրանից», – ասել է թագավորության ԱԳ ղեկավարը France 24-ին տված հարցազրույցում:
Հիշեցնենք, որ Սաուդյան Արաբիա-Լիբանան դիվանագիտական ճգնաժամը սկիզբ էր առել Լիբանանի տեղեկատվության նախարար Ժորժ Կորդահիի սկանդալային հարցազրույցից, որով նա քննադատել էր թագավորության քաղաքականությունը Եմենում:
Հետևեք մեզ տելեգրամում
