Ֆրանսիական կողմի նախաձեռնությամբ Վլադիմիր Պուտինը հեռախոսազրույց է ունեցել Ֆրանսիայի նախագահ Էմանուել Մակրոնի հետ, հայտնում է Կրեմլի կայքը։
Նախագահները մանրամասն քննարկել են Արցախյան հակամարտության կարգավորման վիճակը։ Վլադիմիր Պուտինը ներկայացրել է 2021 թվականի նոյեմբերի 26-ին Սոչիում Ռուսաստանի, Ադրբեջանի և Հայաստանի ղեկավարների եռակողմ հանդիպման հիմնական արդյունքները։ Պուտինը պատմել է, թե ինչպես է տարածաշրջանում միջոցներ ձեռնարկվում հրադադարի պահպանման, փախստականների վերադարձի և առևտրատնտեսական ու տրանսպորտային կապերի վերականգնման համար։
Զրուցակիցները հույս են հայտնել, որ 2021 թվականի դեկտեմբերի 15-ին նախատեսված ԵՄ կառույցների ղեկավարների հանդիպումը Նիկոլ Փաշինյանի և Իլհամ Ալիևի հետ նույնպես օգտակար կլինի և աջակցություն են հայտնել ԵԱՀԿ Մինսկի խմբի (Ռուսաստան, ԱՄՆ, Ֆրանսիա) համանախագահների գծով աշխատանքի ակտիվացման նպատակահարմարությանը:
Հետևեք մեզ տելեգրամում
