Թուրքական լրատվամիջոցները հայտնում են, որ նախագահ Ռեջեփ Թայիփ Էրդողանի հրահանգով նոր շրջափուլ է սկսվել այդ երկրի արտաքին քաղաքականության մեջ, գրում է ermenihaber-ը:
Ի թիվս արտաքին քաղաքական մի շարք առաջնահերթությունների՝ նշվում է նաև Հայաստանի հետ հարաբերությունները կարգավորելու հարցում կատարվելիք քայլերը:
Իշխանամերձ «Hürriyet» օրաթերթի կայքում այդ թեմայով հրապարակում կա, որում մասնավորապես ասված է.
«Որպես առաջին քայլ՝ հստակեցվել է փոխադարձ ուղիղ չվերթներ սկսելու մասին որոշումը: Հատկապես Կարսի և Վանի մասով կատարվելիք աշխատանքներից հետո օրակարագ կգա տարբեր նահանգների ուղղությամբ չվերթներ կազմակերպելու հարցը: Կարծիքներ են կան այն մասին, որ հատկապես Վանը հայերի համար կարող է զբոսաշրջային կենտրոնի վերածվել:
Բացի այդ ծրագրվել է Կարսի մոտակայքի որոշ պատմական կառույցների, այդ թվում՝ կամուրջների ու այլ շինությունների վերակառուցումը։ Դրանք հայերի համար մեծ կարևորություն ունեն։
Իսկ Հայկական սփյուռքի ճնշումը նվազեցնելու նպատակով միաժամանակ սկսվելու են նաև առևտրային հարաբերություններ»:
Հետևեք մեզ տելեգրամում
