Իրաքում թեկնածուները կրկին կարող են առաջադրվել նախագահի պաշտոնի համար

Այսօր Իրաքի խորհրդարանը հայտարարել է, որ փետրվարի 9-ից երեք օր ժամկետով թեկնածուները կրկին կարող են առաջադրվել երկրի նախագահի պաշտոնում։ Այս մասին տեղեկացրել է Իրաքի պաշտոնական INA լրատվական գործակալությունը։

Հատկանշական է, որ  Իրաքի հանրապետության նախագահի պաշտոնի համար պայքարում են մոտ 25 թեկնածուներ։  Քրդական երկու կուսակցություններն էլ հայտարարել են, որ սատարելու են իրենց թեկնածուներին։ «Քուրդիստանի դեմոկրատական կուսակցությունը» վերահասատատել է Հոշայր Զեբարիի թեկնածությունը, իսկ «Քուրդիստանի հայրենասիրական միությունը»՝ գործող նախագահ Բարհամ Սալիհի։ Սակայն Իրաքի դաշնային դատարանի որոշմամբ՝ Հոշյար Զեբարի թեկնածության  առաջադրումը կասեցվել էր, քանի որ վեջինս մեղադրվում է կաշառակերության մեջ։ Իսկ «Քուրդիստանի դեմոկրատական կուսակցությունը» ակնկալում է, որ այս խնդիրը կլուծվի առաջիկա երկու օրվա ընթացքում, «քանի որ որևէ իրավական կասկած չկա Զեբարիի դեմ»։

Հիշեցնենք, որ փետրվարի 7-ին Իրաքի խորհրդարանը նիստ էր գումարել գործող նախագահ Բարհամ Սալիհին երկրորդ անգամ նախագահ ընտրելու համար, սակայն պատգամավորների բոյկոտի պատճառով նիստը հետաձգվեց։