Բաքվի զինվորական դատարանի որոշմամբ՝ Ադրբեջանի պաշտպանության նախարարության ֆինանսական վարչության պետ, գեներալ-մայոր Նիզամի Մամեդովի նկատմամբ խափանման միջոց է կիրառվել: Խափանման միջոց է ընտրվել 4 ամիս ժամկետով կալանավորումը:
Մամեդովին մեղադրանք է առաջադրվել 80 մլն 618 հազար մանաթ գումարի յուրացման մեջ (մոտ 50 մլն դոլար): Նա պատասխանատվության է ենթարկվել Ադրբեջանի պետական անվտանգության ծառայության կողմից քննվող քրեական գործով։
Խոշոր չափով գումարների յուրացման համար ձերբակալվել են նաև ՊՆ ֆինանսական վարչության 4 նախկին և ներկա պաշտոնյաներ, ինչպես նաև գնումների և մատակարարումների վարչության պետը։
Հետևեք մեզ տելեգրամում
