Իսրայելի զինված ուժերի գլխավոր շտաբի պետ Ավիվ Կոհավին առաջին այցն է կատարել Բահրեյն, որտեղ հանդիպել է իր պաշտոնակից գեներալ-լեյտենանտ Թեյաբ բըն Սաքր Ալ-Նուամիի և այլ բարձրաստիճան պաշտոնյաների հետ:
Հաղորդվում է, որ Բահրեյն կատարած այցի ընթացքում Կոհավին հանդիպել է նաև ԱՄՆ-ի ռազմածովային ուժերի կենտրոնական հրամանատարության, ԱՄՆ 5-րդ նավատորմի և ծովային համակցված ուժերի հրամանատար Բրեդ Կուպերի հետ նավատորմի շտաբում:
Նշենք, որ 2020թ.-ին ԱՄՆ միջնորդությամբ Բահրեյնը և Իսրայելը կարգավորել են հարաբերությունները՝ ստորագրելով «Աբրահամյան արձանագրությունները»: Այնուհետև Իսրայելի արտգործնախարար Յաիր Լապիդը սեպտեմբերի 30-ին մեկնել էր Բահրեյն՝ մասնակցելու Մանամայում Իսրայելի դեսպանատան բացման արարողությանը:
Հետևեք մեզ տելեգրամում
