Ռուսաստանը հայ–ադրբեջանական սահմանին հրադադարի ռեժիմի խախտումներ է արձանագրել մարտի սկզբից։ Ամենշաբաթյա ճեպազրույցի ժամանակ հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան։
«Մենք անհանգստացած ենք այս տարածաշրջանում, ինչպես նաև հայ-ադրբեջանական սահմանի առանձին հատվածներում իրավիճակի առնչությամբ։ Մարտի սկզբից մենք պարբերաբար հայ-ադրբեջանական սահմանին հրադադարի խախտման դեպքեր ենք արձանագրում»,–ասել է Զախարովան։
Նրա խոսքով` ռուս խաղաղապահներն իրենց պատասխանատվության գոտիներում անում են ամեն ինչ, որպեսզի իրավիճակը կայուն և վերահսկելի լինի։ Հենց այս ջանքեր շնորհիվ էլ, ըստ Զախարովայի, մարտի 13-ից սկսած` զինված միջադեպեր չեն արձանագրվել։
Զախարովան նաև նշել է, որ Մոսկվան ողջունում է խաղաղության պայմանագրի նախապատրաստմանը ձեռնամուխ լինելու Երևանի և Բաքվի պատրաստակամությունը և պատրաստ է աջակցել բանակցային գործընթացին։
Նա հավելել է, որ դեռ վաղ է խոսել խաղաղության պայմանագրի ստորագրման ժամկետների մասին։
Հետևեք մեզ տելեգրամում
