Ադրբեջանի Հանրապետության պաշտպանության նախարարությունն իր ափսոսանքն է հայտնում Ռուսաստանի Դաշնության պաշտպանության նախարարության 2022 թվականի մարտի 26-ի միակողմանի հայտարարության կապակցությամբ, որը չի համապատասխանում իրականությանը, հայտնում են ադրբեջանական լրատվամիջոցները։
Ըստ Ադրբեջանի ՊՆ-ի՝ այդ երկիրը հավատարիմ է 2020 թվականի նոյեմբերի 10-ի Եռակողմ հայտարարությանը և չի խախտել դրա դրույթներից որևէ մեկը։
«Ռուսաստանի պաշտպանության նախարարության այս հայտարարությունը հակասում է երկկողմ հարաբերությունների բնույթին և 2022 թվականի փետրվարի 22-ին երկու երկրների միջև ստորագրված Դաշնակցային համագործակցության մասին հռչակագրին։
Ադրբեջանի տարածքում «Լեռնային Ղարաբաղ» անունով վարչատարածքային միավոր չկա։ Հայտարարության մեջ նշված գյուղի անունը ոչ թե «Փուռուխ» է, այլ «Փառուխ»»,- հայտարարում է Ադրբեջանի պաշտպանության նախարարությունը։
Հետևեք մեզ տելեգրամում
