Իրաքյան Քուրդիստանի վարչապետ Մասրուր Բարզանին հերքել է Իսրայելի հետ գազամատակարարման շուրջ բանակցությունների մասին շրջանառվող լուրերը։
Նշենք, որ ԶԼՄ-ներում տեղեկություն էր տարածվել, համաձայն որի՝ այս ամսվա սկզբին Իրաքյան Քուրդիստանի մայրաքաղաք Էրբիլի վրա Իրանի կողմից իրականացված հրթիռային հարձակումն այս բանակցությունների հետ էր կապված, գրում է Reuters-ը։
«Բնական գազի մատակարարման հետ կապված Էրբիլը ոչ մի հանդիպում չի անցկացրել իսրայելցիների հետ, և այդ մասին շրջանառվող լուրերն անհիմն են»,- հայտարարել է Իրաքյան Քուրդիստանի վարչապետ Մասրուր Բարզանին՝ Դուբայում կայացած էներգետիկ ֆորումում։
Նա նշել է, որ իրանական հրթիռակոծության թիրախ է դարձել Էրբիլում քուրդ գործարարի առանձնատունը, ապա ավելացրել, որ նման գործողությունն «իրավական հիմնավորում չունի»։
Հետևեք մեզ տելեգրամում
