Վրաստանը, Ադրբեջանը, Թուրքիան և Ղազախստանը ստորագրել են «Տրանսկասպյան Արևելք-Արևմուտք միջանցքի մասին» քառակողմ հռչակագիր, որն ընդգծում է Անդրկասպյան Արևելք-Արևմուտք միջանցքի կարևորությունը և հռչակագրի մասնակից պետությունների տարանցիկ ներուժի ամրապնդմանն ուղղված քայլերը։ Տեղեկությունը հայտնում է Վրաստանի էկոնոմիկայի և կայուն զարգացման նախարարությունը։
Նախարարության փոխանցմամբ՝ հռչակագրում ընդգծվում է տրանսպորտային միջանցքների զարգացման, Արևելք-Արևմուտք տրանսկասպյան միջանցքի միջազգային տրանսպորտային համակարգում ինտեգրման և կողմերի միջև համագործակցության ամրապնդման դերը։
«Փաստաթղթում ընգծվել է Բաքու-Թբիլիսի-Կարս երկաթգծի կարևոր դերը Եվրոպայի և Ասիայի միջև տրանսպորտային կապի զարգացման գործում։
Հռչակագրում կարևորվել է ենթակառուցվածքային ներդրումների անհրաժեշտությունը՝ այս ճանապարհով տրանսպորտային կապերի որակը բարելավելու համար», — ասվում է նախարարության հայտարարության մեջ:
Հետևեք մեզ տելեգրամում
