Իրաքյան Քուրդիստանի մայրաքաղաք Էրբիլում՝ նավթավերամշակման գործարանի ուղղությամբ երեք հրթիռներ են արձակվել: Նյութական կամ մարդկային կորուստներ չկան: Տեղեկությունը հաստատում է իրաքյան INA պետական լրատվամիջոցը:
Լրատվամիջոցի տեղեկություններով՝ հրթիռներն արձակվել են Իրաքի Նինվե նահանգից:
Ուշագրավ է, որ Քուրդիստանի տարածաշրջանային կառավարության (KRG) աղբյուրները Reuters-ին հայտնել են, որ նավթավերամշակման գործարանը պատկանում է իրաքցի քուրդ գործարար Բազ Քարիմ Բարզանջիին, ով KAR Group (Khalid Abdulrahim Group) կոչվող խոշոր էներգետիկ ընկերության գործադիր տնօրենն է: Նշենք, որ անցյալ ամիս իրանական բալիստիկ հրթիռները խոցել էին նրա առանձնատունը: ԻՀՊԿ-ն ստանձնել էր հրթիռակոծման պատասխանատվությունը:
Հետևեք մեզ տելեգրամում
