Հայաստանում Իրանի առևտրի կենտրոն է բացվելու: Տեղեկությունը փոխանցում է իրանական IRNA լրատվամիջոցը:
Լրատվամիջոցի հաղորդմամբ՝ Իրանի աշխատանքի և սոցիալական ապահովության նախարարության միջազգային հարցերով վարչության պետ Համեդ Ֆորուզանը և ՀՀ աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը հեռավար հանդիպում են անցկացրել:
Հանդիպման ժամանակ իրանցի նախարարը հայտարարել է, որ արտադրության և առևտրի ոլորտներում կողմերի կարողությունները հստակեցնելու նպատակով կկնքվի համագործակցության հուշագիր։
Նա նաև նշել է, որ առևտրի կենտրոնը բացվելու է Իրանի աշխատանքի և սոցիալական ապահովության նախարարի՝ Երևան այցի ընթացքում:
Իր հերթին Աստղիկ Մինասյանը շեշտել է, որ կողմերի միջև համագործակցությունը կարող է շատ արդյունավետ և դրական լինել։
Նա ողջունել է կանանց, անօթևաններին, հաշմանդամներին ծառայություններ մատուցող խումբ ստեղծելու, ինչպես նաև Հայաստանում երիտասարդների տեխնիկական և մասնագիտական ուսուցման կենտրոն ստեղծելու առաջարկը։
Հետևեք մեզ տելեգրամում
