Չնայած Ուկրաինայում ստեղծված իրավիճակին՝ Թբիլիսին «երկրորդ ճակատ» չի բացելու Ռուսաստանի դեմ։ Այս մասին հայտարարել է Վրաստանի վարչապետ Իրակլի Ղարիբաշվիլին, փոխանցում է Ռիա նովոստի-ն:
«Ուկրաինայում տեղի է ունենում դժբախտություն, ողբերգություն, պատերազմ: Բայց մենք պետք է պահպանենք խաղաղությունը, կայունությունը և նպաստենք երկրի զարգացմանը։
Վրաստանում որևէ երկրորդ ճակատ չի լինի։ Մենք դա թույլ չենք տա և շարունակելու ենք պաշտպանել մեր քաղաքացիներին և պետությանը»,- ասել է Ղարիբաշվիլին։
Հիշեցնենք, որ Վրաստանի վարչապետը դեռ փետրվարի 25-ին հայտարարել էր, որ իր երկիրը չի միանա ՌԴ-ի դեմ տնտեսական պատժամիջոցներին։
Հետևեք մեզ տելեգրամում
