Թուրքիայի ռազմական գործողությունները խախտում են Իրաքի ինքնիշխանությունը և սպառնում են ազգային անվտանգությանը:
Այս մասին հայտարարություն է տարածել Իրաքի նախագահի գրասենյակը՝ դատապարտելով երեկ Իրաքի հյուսիսում Թուրքիայի ձեռնարկած ռազմական գործողությունը:
Հայտարարությունում նշված է, որ Իրաքն անընդունելի է համարում Թուրքիայի ռազմական գործողության շարունակականությունը՝ շեշտելով, որ դրանք համաձայնեցված չեն պաշտոնական Բաղդադի հետ:
Հայտարարության մեջ ևս մեկ անգամ ընդգծվել է, որ Բաղդադը մերժում է՝ իր տարածքը չպետք է վերածվի հակամարտությունների ասպարեզի: Նախագահի գրասենյակը շեշտել է, որ սա Իրաքի պաշտոնական դիրքորրոշումն է և արտաքին քաղաքականության սկզբունքը:
Հիշեցնենք, որ երեկ Թուրքիայի պաշտպանության նախարարությունը հայտարարություն է տարածել, թե Իրաքի հյուսիսում ռազմական նոր գործողություն է սկսել «Քուրդիստանի բանվորական կուսակցության» (PKK) դեմ, որը Թուրքիայում համարվում է ահաբեկչական կառույց:
Հետևեք մեզ տելեգրամում
