Իրանի Մշակութային ժառանգության, զբոսաշրջության և ձեռագործ արվեստների նախարարության Արևելյան Ատրպատականի վարչության պետ Ահմադ Համզեզադեն հանդիպել է Ատրպատականի Հայոց թեմի առաջնորդ Գրիգոր արք. Չիֆթճեանի հետ:
Համզեզադեն շեշտել է, որ հայկական պատմական ժառանգության պահպանումը վարչության կարևոր նպատակներից մեկն է:
«Արևելյան Ատրպատականը հայկական պատմական արժեքավոր ժառանգություն ունի, որոնցից Սուրբ Ստեփանոսը համաշխարհային ժառանգության ցանկում է:
Հաշվի առնելով Թավրիզում և նահանգում հայկական բազմաթիվ հուշարձանների առկայությունը՝ վարչությունը դրանց վերականգնման և պահպանման համար հատուկ միջոցառումներ է ձեռնարկել, որոնցից հետո Թավրիզում նորից հայկական թանգարան բացելը օրակարգում է ներառվել»,- հայտարարել է Համզեզադեն:
Համզեզադեն նաև հայտնել է, որ փորձագիտական ուսումնասիրություններից հետո կվերանորոգվի նաև առաջնորդարանի շենքը:
Հետևեք մեզ տելեգրամում
