ԶԼՄ-ներում տեղեկություն է տարածվում այն մասին, որ Սիրիայի նախագահ Բաշար Ալ-Ասադի նկատմամբ մահափորձ է իրականցվել:
Հաղորդվում է, որ անհաջող հարձակումը տեղի է ունեցել այն ժամանակ, երբ Ասադը ժամանել է Դամասկոսի Ալ-Հասան մզկիթ՝ Էյդ Ալ-Ֆիտրի տոնին աղոթելու համար:
Մահափորձի մասին տեղեկության վերաբերյալ գրած ԶԼՄ-ները մեծամասամբ հղում են կատարել լիբանանյան Al-Manar հեռուստատեսության՝ «Հեզբոլլահ» կուսակցության խոսնակին մեջբերելով:
Ուշագրավ է, որ Al-Manar-ը լրացուցիչ տեղեկություններ չի հաղորդել անհաջող հարձակման մասին, իսկ սիրիական պետական SANA լրատվամիջոցն ընդհանրապես ոչինչ չի գրել այս մասին:
Հետևեք մեզ տելեգրամում
