Իրանի արտգործնախարար Հոսեյին Ամիր Աբդոլլահիանը «Al masirah» հեռուստաընկերությանը տված հարցազրույցում հայտարարել է, որ Վիեննայի բանակցությունները չեն դադարել:
Նրա խոսքով՝ բանակցությունները շարունակվում են այլ գործընթացի շրջանակում՝ Եվրամիության ներկայացուցչի միջոցով ամերիկացիների հետ գրավոր հաղորդագրությունների փոխանակման միջոցով։
Աբդոլլահիանը շեշտել է, որ Իրանը ձգտում է ամուր և տևական համաձայնություն ձեռք բերել այս բանակցություններում:
«Բոլոր ոլորտներում պատժամիջոցների վերացումն ու տնտեսական երաշխիքների տրամադրումը բանակցություններում մեր օրակարգի կարևոր մասերից են: Կարծում եմ՝ ամերիկյան կողմը լավ է հասկացել Իրանի կարմիր գծերը»,- հայտարարել է Աբդոլլահիանը:
Հետևեք մեզ տելեգրամում
