Զելենսկին և Բեննեթը քննարկել են Լավրովի «սկանդալային» հայտարարությունը

Ուկրաինայի նախագահ Վոլոդիմիր Զելենսկին Իսրայելի վարչապետ Նաֆթալի Բեննեթի հետ հեռախոսազրույց է ունեցել, որի ընթացքում քննարկվել է Լավրովի «սկանդալային» մեկնաբանությունը:

«Վարչապետ Նաֆթալի Բեննեթի հետ արդյունավետ բանակցություններ ենք վարել: Նրան և Իսրայելի ժողովրդին շնորհավորել եմ Անկախության տոնի կապակցությամբ»,- Twitter-ի էջում գրառում է կատարել Զելենսկին:

Held fruitful negotiations with the Prime Minister 🇮🇱 @naftalibennett. Congratulated him and the people of Israel 🇮🇱 on Independence Day! Have informed him about countering the aggressor and about the critical situation in Mariupol.
— Volodymyr Zelenskyy / Володимир Зеленський (@ZelenskyyUa) May 4, 2022

Reuters-ի փոխանցմամբ՝ զրուցակիցները նաև քննարկել են Ռուսաստանի արտգործնախարար Սերգեյ Լավրովի «բացարձակապես անընդունելի և սկանդալային մեկնաբանությունը»:

Ավելի վաղ տեղեկացրել էինք, որ Լավրովն Վլադիմիր Զելենսկուն համեմատել էր Ադոլֆ Հիտլերի հետ՝ ի պատասխան նրա այն հայտարարության, թե Ուկրաինայում ազգայնականացում չկա, քանի որ ինքը ազգությամբ հրեա է։ Ռուս արտգործնախարարն ընդգծել էր, որ դա բացարձակապես ոչինչ չի նշանակում, քանի որ, ինչպես իմաստուն հրեա ժողովուրդն է ասում, ամենամոլի հակասեմականները, որպես կանոն, հրեաներն են:

Այս հայտարարությունը կոշտ քննադատությունների է ենթարկվել Իսրայելի քաղաքական գործիչների կողմից: Ռուսաստանի դեսպան Անատոլի Վիկտորովն Իսրայելի ԱԳՆ էր կանչվել բացատրական զրույցի համար:

Իսրայելի արտգործնախարար Յաիր Լապիդը «աններելի» էր որակել Լավրովի հայտարարությունը՝ կոչ անելով ներողություն խնդրել հրեաներից:

Ավելացնենք, որ ՌԴ ԱԳՆ պաշտոնական ներկայացուցիչ Մարիա Զախարովան իր հերթին երեկ հայտարարել էր, որ Ուկրաինայում «Ազովի» գրոհայինների հետ իսրայելցի վարձկաններ են կռվում։