Իրանի և Ռուսաստանի միջև սպառազինության ոլորտում համագործակցության զարգացման համար որևէ խոչընդոտ չկա: Այս մասին «Իզվեստիա» թերթին տված հարցազրույցում հայտարարել է Թեհրանում Ռուսաստանի դեսպան Լևան Ջագարյանը:
Ջագարյանը նշել է, որ Իրանի դեմ զենքի էմբարգոյի վերացումից հետո Թեհրանը պաշտպանական նպատակներով կարող է զենք գնել Մոսկվայից:
Անդրդառնալով Ռուսաստանի դեմ Արևմուտքի պատժամիջոցներին՝ դեսպան Ջագարյանը հստակեցրել է.
«Մոսկվան և Թեհրանը հակառուսական պատժամիջոցների դիմաց «Միր» և «Շեթաբ» վճարային համակարգերի ինտեգրացման շուրջ բանակցություններին թափ են հաղորդել»:
Դեսպանը հերքել է բրիտանական լրատվամիջոցների այն պնդումները, թե Իրանը զենք, այդ թվում՝ զենիթահրթիռային կայաններ է մատակարարում Ռուսաստանին:
«Բրիտանական լրատվամիջոցները հայտնի են որպես կեղծ լուրեր արտադրող գործարաններ»,- հայտարարել է Ջագարյանը:
Հետևեք մեզ տելեգրամում
