Վաղը Լիբանանում կայանալիք խորհրդարանական ընտրություններին արտերկրում բնակվող լիբանանցիների քվեարկությանը հետևելու համար երկրի արտգործնախարարությունում օպերատիվ գրասենյակ են բացել:
Վարչապետ Միկաթին կոչ է արել արտասահմանում բնակվող բոլոր լիբանանցիներին մասնակցել ընտրություններին: Նրա խոսքով՝ ընտրություններն անցնելու են «թափանցիկ և արդար միջավայրում, թեև շատերը կասկածում էին՝ ընտրություններ կկայանան, թե ոչ»:
Իր հերթին արտգործնախարար Աբդալլահ Բուհաբիբը հաստատել է, որ գործադրվելու են բոլոր ջանքերը, որպեսզի ընտրությունները հաջողությամբ կայանան:
Նշենք, որ դեռևս նախորդ տարեվերջին Լիբանանի նախագահ Միշել Աունն ընտրությունները մայիսին անցկացնելու որոշում էր ստորագրել: Արտերկրում բնակվող լիբանանցիները քվեարկելու են մայիսի 6-ին կամ 8-ին՝ կախված այն հանգամանքից, թե որ երկրում են բնակվում: Իսկ մայիսի 15-ին արդեն Լիբանանում են անցկացվելու խորհրդարանական ընտրությունները:
Հետևեք մեզ տելեգրամում
