Իրանի էներգետիկայի նախարար Ալի Աքբար Մեհրաբիանը կժամանի Երևան՝ մասնակցելու հայ-իրանական տնտեսական համագործակցության համատեղ հանձնաժողովի նիստին, որը տեղի կունենա մայիսի 10-11-ը: Տեղեկությունը հայտնում է «mehrnews»-ը:
Հաղորդվում է, որ Իրանի էներգետիկայի նախարարը Հայաստան կժամանի Իրանի նավթի նախարարի տեղակալի, Իրանական ազգային գազային ընկերության տնօրենի, ավտոմոբիլային ճանապարհների նախարարի տեղակալի և մի քանի այլ իրանցի պաշտոնատար անձանց հետ:
Հանձնաժողովի ընթացքում քննարկվելու են մի քանի թեմաներ, ներառյալ առևտուրին և հաշվանցմանը, ներդրումներին, տարանցմանը և տրանսպորտին, էլեկտրաէներգիային, նավթին և գազին, բանկային գործին և ֆինանսներին, զբոսաշրջության, առողջապահությանը և դրանց հետ առնչվող այլ հարցեր:
Հանձնաժողովի նիստի շրջանակներում տեղի կունենա առևտրային կոնֆերանս՝ երկու երկրների մասնավոր հատվածի ներկայացուցիչների մասնակցությամբ:
Մեհրաբիանը Հայաստանի պաշտոնյաների հետ կքննարկի նաև երկու երկրների միջև զարգացող հարաբերություններն ու փոխադարձ առևտրի ծավալները:
Հետևեք մեզ տելեգրամում
