Արաբական Միացյալ Էմիրությունների փոխնախագահ, վարչապետ և Դուբայի կառավարիչ Մուհամմադ բըն Ռաշիդ Ալ-Մաքթումը պետության ղեկավար Խալիֆա բըն Զայեդ Ալ-Նահայանի մահից հետո կկատարի երկրի նախագահի պարտականությունները մինչև նոր նախագահի ընտրությունը: Տեղեկությունը հայտնում է Al Arabiya լրատվամիջոցը:
«ԱՄԷ-ի Սահմանդրության համաձայն, փոխնախագահ և վարչապետ Մուհամմադ բըն Ռաշիդ Ալ-Մաքթումը՝ Դուբայի կառավարիչը, երկրի նախագահի պարտականությունները կկատարի այնքան ժամանակ մինչև դաշնային խորհուրդը, որը միավորում Է յոթ Էմիրությունների կառավարիչներին, 30 օրվա ընթացքում գումարվի նոր նախագահ ընտրելու համար»,-նշել Է Al Arabiya-ն:
Նշենք, որ Խալիֆա բըն Զայեդ Ալ-Նահայանը ԱՄԷ-ի նախագահ էր ընտրվել 2004 թվականի նոյեմբերի 3-ին՝ հաջորդելով իր հորը՝ շեյխ Զայեդ բըն Սուլթան Ալ-Նահայանին:
Հետևեք մեզ տելեգրամում
