Ռուսաստանի նախագահի պաշտոնական կայքը տեղեկացնում է, որ փետրվարի 4-ին հեռախոսազրույց է տեղի ունեցել Ռուսաստանի Դաշնության նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև։ Այն տեղի է ունեցել թուրքական կողմի նախաձեռնությամբ։
Երկու երկրների նախագահները հեռախոսազրույցի ընթացքում քննարկել են Սիրիայի Իդլիբ նահանգում ստեղծված իրավիճակը։
Էրդողանը մասնավորապես նշել է, որ Իդլիբում բախումները կանխելու նպատակով ուղարկված թուրքական զինված ուժերի ստորաբաժանումների վրա Սիրիայի կառավարական ուժերի հարձակումը վնաս է հասցրել Սիրիայում խաղաղություն հաստատելուն միտված ռուս-թուրքական համատեղ ջանքերին:
Թուրքիայի նախագահը ընդգծել է, որ Անկարան շարունակելու է լիարժեքորեն օգտագործել իր «օրինական ինքնապաշտպանության իրավունքը» ընդդեմ նմանատիպ հարձակումների:
Վլադիմիր Պուտինն ու Ռեջեփ Թայիփ Էրդողանը քննարկել են նաև Լիբիայում տիրող իրավիճակը։
Հետևեք մեզ տելեգրամում
