Ռուսաստանի արտգործնախարար Սերգեյ Լավրովը հայտարարել է, որ Պարսից ծոցի երկրները չեն միանա Մոսկվայի դեմ պատժամիջոցներին: Այս մասին նա հայտնել է Ռիադում Պարսից ծոցի համագործակցության խորհրդի անդամ պետությունների արտգործնախարարների հետ փակ հանդիպման ժամանակ:
Լավրովն ավելացրել է, որ Պարսից ծոցի երկրները հասկանում են Ռուսաստանի և Արևմուտքի միջև հակասությունների բնույթը՝ նշելով, որ Արևմուտքը ձգտում է միաբևեռ աշխարհ հիմնել ԱՄՆ-ի գլխավորությամբ:
Ավելի վաղ հայտնել էինք, որ Լավրովը ժամանել էր Ռիադ, որտեղ հանդիպել էր Սաուդյան Արաբիայի արտգործնախարար Ֆայսալ բըն Ֆարհանի հետ: Հանդիպման ընթացքում թագավորությունը պատրաստակամություն էր հայտնել խթանել ուկրաինական ճգնաժամի քաղաքական լուծման ջանքերին:
Հետևեք մեզ տելեգրամում
