Իրանի խորհրդարանի ազգային անվտանգության և արտաքին քաղաքականության հանձնաժողովի փոխնախագահ Աբբաս Մողթադայիի գլխավորած պատվիրակությունը հանդիպել է ՀՀ խորհրդարանի փոխնախագահ Հակոբ Արշակյանի և Հայաստան-Իրան բարեկամական խմբի ղեկավար Գևորգ Պապոյան հետ: Տեղեկությունը հայտնում է IRNA լրատվական գործակալությունը:
Հանդիպման ընթացքում Մողթադային շեշտել է, որ Հայաստանն Իրանի լավ հարևանն ու բարեկամն է:
«Հայաստանն Իրանի արտաքին քաղաքականությունում իր տեղն ունի, և մենք միշտ աջակցել ենք Հայաստանի տարածքային ամբողջականությանն ու ազգային ինքնիշխանությանը»,- նշել է իրանցի պաշտոնյան:
Պատվիրակության անդամ Մորթեզա Մահմուդվանդն իր հերթին ընդգծել է, որ, որպես ազգային անվտանգության և արտաքին քաղաքականության հանձնաժողովի ջրային կոմիտեի նախագահ, ողջունում է շրջակա միջավայրի, այդ թվում՝ Արաքս գետի հարցում համագործակցության զարգացումը:
Հետևեք մեզ տելեգրամում
