Սիրիան դադարեցրել է Դամասկոսի օդանավակայանի թռիչքները

112

Այսօր Սիրիայի տրանսպորտի նախարարությունը հայտարարել է, որ դադարեցվել են դեպի Դամասկոսի միջազգային օդանավակայն և հակառակ ուղղությամբ բոլոր թռիչքները:

Նախարարությունը հայտնել է, որ թռիչքների դադարեցումը պայմանավորված է տեխնիկական խափանումներով:

«Մենք ստիպված եղանք հետաձգել բոլոր թռիչքները առնվազն 48 ժամով, և որոշ չվերթներ փոխվել են Հալեպի օդանավակայանով»,- ասել է օդանավակայանի աշխատակիցը՝ անանուն մնալու պայմանով, քանի որ իրավասու չէ խոսել այդ հարցի վերաբերյալ:

Սակայն ինչպես հաղորդում են օդանավակայանին մոտ կանգնած աղբյուրները, թռիչքների դադարեցման պատճառն այսօր իրականացված Իսրայելի հրթիռակոծությունն է, որի հետևանքով վնասվել է վայրէջքի թռիչքուղին:

Այսօր տեղեկացրել էինք, որ Իսրայելի զինված ուժերը ավիրահարվածներ են հասցրել Դամասկոսին: Վիրավորվել է մեկ քաղաքացի, պատճառվել է նյութական վնաս: