Հուլիսի 4-ին տեղի է ունեցել Թուրքիայի Ավստրիայի արտաքին և ներքին գործերի նախարարների հանդիպումը, որի ավարտին համատեղ մամուլի ասուլիս է անցկացվել:
Ասուլիսի ժամանակ Մևլութ Չավուշօղլուն անդրադարձել է հայ-թուրքական հարաբերությունների կարգավորման գործընթացին:
«Որոշ քայլեր են արվել, ինչպես օրինակ օդային բեռնափոխադրումներ սկսելն է: Մենք վստահությունը բարձրացնող քայլեր ենք ասում: Ի վերջո, մենք ցանկանում ենք գործընթացը աստիճանաբար շարունակել»,-ասել է Չավուշօղլուն, նշելով, որ Անկարան այս հարցում խորհրդակցում և համակարգում Բաքվի հետ:
Վերջինիս խոսքերով, Թուրքիան աջակցում է Հայաստանի ու Ադրբեջանի միջև խաղաղության պայմանագրի ստորագրմանը:
«Հարավային Կովկասում մնայուն խաղաղության համար անհրաժեշտ է, որ բոլորս միասին քայլեր ձեռնարկենք: Ամենամեծ խոչընդոտը, որը մենք տեսնում ենք, ցավոք, Հայաստանի վրա արվող ճնշումն է: Սփյուռքը բաժանված է՝ մի մասը բացարձակապես որևէ կերպ կարգավորում չի ցանկանում, մի մասն էլ աջակցում է»,- պնդել է Չավուշօղլուն:
«Սակայն Հայաստանը դրան դեռ պատրաստ չէ ներքին ճնշման պատճառով: Ապագայում նման հանդիպումներ կարող են լինել: Մնայուն խաղաղության և կայունության համար պետք է այսպիսի քայլեր ձեռնարկել: Իհարկե, դրանք պետք է արվեն Ադրբեջանի և Հայաստանի միջև ևս»,-եզրափակել է Թուրքիայի ԱԳՆ-իղեկավարը:
Հետևեք մեզ տելեգրամում
