Եգիպտոսում ՀՀ դեսպան Հրաչյա Փոլադյանը հանդիպել է ալ-Ազհարի գերագույն իմամ Ահմադ Մուհամադ ատ-Տայիբի հետ։ Տեղեկությունը հայտնում է Եգիպտոսում ՀՀ դեսպանությունը:
ՀՀ դեսպանը շնորհավորել է Գերագույն իմամին Այդ ալ-Ադհա տոնի կապակցությամբ։ Զրուցակիցները պայմանավորվածություն են ձեռք բերել համագործակցություն ստեղծել թանգարան-ինստիտուտ Մատենադարանի և ալ-Ազհարի համալսարանի միջև՝ Մատենադարանի արաբերեն և արաբատառ հազարավոր ձեռագրերը ուսումնասիրելու և պահպանելու նպատակով։
ՀՀ դեսպանը և գերագույն իմամն անդրադարձ են կատարել նաև հայ-եգիպտական բարեկամական հարաբերությունների պատմությանը՝ ընդգծելով հայ համայնքի դերակատարությունը ոչ միայն երկկողմ հարաբերություններում, այլ նաև՝ Եգիպտոսի պետականաշինության գործում։
Հետևեք մեզ տելեգրամում
