Ռուսաստանի նախագահի խոսնակ Դմիտրի Պեսկովը վերահաստատել է, որ ռուսական զինված ուժերը Սիրիայում են տեղակայված Սիրիայի կառավարության պաշտոնական հրավերով՝ ի տարբերություն ամերիկյան զինված ուժերի:
«Ռուս զինվորականները Սիրիայում են երկրի ղեկավարության հրավերով՝ միջազգային իրավունքին խստորեն համապատասխան, մինչդեռ ամերիկացիները նման հրավեր չունեն, և շատ կարևոր է հասկանալ այս հիմնարար տարբերությունը», – Պեսկովի խոսքերը մեջբերում է SANA-ն՝ հղում կատարելով РИА Новости լրատվական գործակալությունը։
Նշենք, որ օրեր առաջ SANA-ն հաղորդել էր, որ Սիրիայի տարածքների որոշ հատվածներում տեղակայված «ամերիկյան օկուպացիոն ուժերը շարունակում են յուրացնել սիրիական նավթն ու ռեսուրսները»։
Հետևեք մեզ տելեգրամում
