Այսօր Իսրայելի, Հնդկաստանի, ԱՄԷ-ի և ԱՄՆ-ի առաջնորդները I2U2 խմբի առաջին հանդիպման շրջանակներում քննարկել են համատեղ համագործակցությունը պարենային անվտանգության և էներգիայի ոլորտում, ի թիվս փոխադարձ հետաքրքրություն ներկայացնող այլ ոլորտների:
«Երկրների այս եզակի խմբավորումը նպատակ ունի օգտագործելու մեր հասարակությունների կենսունակությունը և ձեռնարկատիրական ոգին աշխարհի առջև ծառացած որոշ ամենամեծ մարտահրավերներին դիմակայելու համար՝ հատուկ ուշադրություն դարձնելով համատեղ ներդրումներին և նոր նախաձեռնություններին՝ ջրային, էներգիայի, տրանսպորտի, տիեզերքի, առողջության, պարենային անվտանգություն և այլ ոլորտներում»,- ասված է համատեղ հայտարարության մեջ։
Համաձայն համատեղ հայտարարության՝ կողմերը վերահաստատել են իրենց աջակցությունն Աբրահամյան համաձայնագրին և «Իսրայելի հետ խաղաղության և կարգավորման այլ պայմանավորվածությունների»:
Նշենք, որ I2U2 (India, Israel, USA, UAE) խումբը ներառում է Հնդկաստանին, Իսրայելին, ԱՄԷ-ին և ԱՄՆ-ին: Խումբը Հնդկաստանում ԱՄԷ դեսպան Ահմեդ Ալ-Բաննան անվանել էր «Արևմտյան Ասիայի քառյակ»:
Հիշեցնենք, որ երեկ ԱՄՆ նախագահ Ջո Բայդենը մերձավորաևելյան առաջին այցով ժամանել էր Իսրայել: Իսկ ԱՄԷ-ի և Հնդկաստանի նախագահները I2U2-ի առաջին հանդիպմանը մասնակցել են առցանց:
Հետևեք մեզ տելեգրամում
