«Երուսաղեմի հռչակագիրը» սպառնալիք Է Մերձավոր Արևելքի համար: Այդ մասին հայտարարել Է Իրանի արտաքին գործերի նախարարության պաշտոնական ներկայացուցիչ Նասեր Քանանին:
«[ԱՄՆ-ի նախագահ Ջո] Բայդենի և [Իսրայելի վարչապետ Յաիր] Լապիդի համատեղ հայտարարության մեջ ընդգծվում Է «ԱՄՆ-ի անհողդոդ և վճռական հանձնառությունը պաշտպանելու Իսրայելի անվտանգությունը և ռազմական գերազանությունը,- գրում է ISNA գործակալությունը՝ մեջբերելով Քանանիի խոսքերը:- Թիրախը ոչ միայն Իրանն Է, այլև արաբական և իսլամական երկրները, որոնք միշտ պետք Է ճանաչեն Իսրայելի գերազանցությունը»:
Նրա խոսքով՝ «ուստի տարածաշրջանի համար սպառնալիքի հիմնական աղբյուրը միանգամայն պարզ Է»:
«Քանի դեռ Իսրայելի կառավարությունն առաջին կանգառն Է Միացյալ Նահանգների նախագահների ուղևորությունում, իսկ առաջին նպատակը նրա անվտանգության և ռազմական գերազանցության պահպանումը, տարածաշրջանի ժողովուրդներն ու երկրները չեն հասնի խաղաղության, կայունության և հանգստության,- նշել Է Քանանին:- Իրանն իր հարևանների անվտանգությունը համարում Է իր անվտանգությունը»:
Երեկ հաղորդել էինք, որ հուլիսի 14-ին Յաիր Լապիդը և Ջո Բայդենը Երուսաղեմում ստորագրել են ռազմավարական գործընկերության համատեղ հռչակագիր: Համաձայն հռչակագրի՝ ԱՄՆ-ը պարտավորվում Է «համագործակցել այլ գործընկերների հետ Իրանի կողմից ագրեսիայի և ապակայունացնող քայլերի հակազդման համար»:
Հետևեք մեզ տելեգրամում
